«Երևան» Օդային երթևեկության կառավարման (ՕԵԿ) կենտրոնը Հայաստանի օդային տարածքում իրականացնում է թռիչք, վայրէջք և տարանցիկ չվերթեր իրականացնող օդանավերի, ինչպես նաև փոքր ավիացիայի օդանավերի կարգավարական սպասարկում:
«Երևան» Օդային երթևեկության կառավարման կենտրոնում տեղակայված են թռիչքների ղեկավարի, «Շրջանային», «Մոտեցում», թռիչքատեղեկատվական և օդային երթևեկության հոսքերի կազմակերպման կարգավարական աշխատատեղերը:
«Երևան» ՕԵԿ կենտրոնը միևնույն ժամանակ իրականացնում է՝
ՕԵԿ կենտրոնը հագեցած է օդային երթևեկության կառավարման ժամանակակից պահանջներին համապատասխան անհրաժեշտ ռադիոտեխնիկական միջոցներով:
Երևան «Զվարթնոց» օդանավակայանի օդային երթևեկության կառավարման (ՕԵԿ), կարգավարական աշտարակը սկսել է գործել 2008թ-ից: Այստեղ տեղակայված են երկու կարգավարական աշխատատեղեր՝ «Աշտարակ» և «Գետնավարում», որտեղից իրականացվում է օդանավերի, ինչպես նաև փոքր ավիացիայի օդանավերի աերոդրոմային կարգավարական սպասարկում, որն իր մեջ ներառում է օդանավերի թռիչքների, վայրէջքների և գետնավարման գործընթացները:
Գյումրի «Շիրակ» օդանավակայանի օդային երթևեկության կառավարման (ՕԵԿ) կարգավարական աշտարակը գործում է 2006թ.-ից:
Այստեղից իրականացվում է օդանավերի թռիչքների, վայրէջքների, գետնավարման, ինչպես նաև փոքր ավիացիայի աերոդրոմային կարգավարական սպասարկում:
Աշտարակը հագեցած է օդային երթևեկության կառավարման ժամանակի պահանջներին համապատասխան անհրաժեշտ ռադիոտեխնիկական սարքավորումներով՝ «Գալակտիկա» ՕԵԿ ավտոմատացված համակարգով («Ազիմուտ», ՌԴ), կապի «Մեգաֆոն» համակարգով («Նիտա» ՌԴ) և IDMAN լուսատեխնիկական համակարգի հեռակառավարման և ներաերոդրոմային տեխնոլոգիական կապի սարքավորումներով: Աշտարակը ապահովված է աշխատանքային շուրջօրյա անհրաժեշտ պայմաններով, ինչպես նաև ապահովված է անխափան աշխատանքի համար նախատեսված պահուստային բոլոր միջոցներով:
«Սյունիք» օդանավակայանի թռիչքա-տեղեկատվական սպասարկման կետն իրականացնում է Սյունիք օդանավակայանի շրջանում և հարակից չկառավարվող օդային տարածքում իրականացնող օդանավերի թռիչքա-տեղեկատվական սպասարկում:
Կապանի բարդ լեռնային ռելիեֆի և տեղանքի առանձնահատկությունների պայմաններում ծառայությունն ապահովում է՝
Ի.Գասպարյան 33, Երևան 0042, ՀՀ
+(37410) 29-29-29
staff@armats.am