«Հայաէրոնավիգացիա» ՓԲ ընկերությունում ներդրված է Ավիացիոն անվտանգության կառավարման համակարգ, որը հիմնված է Միջազգային քաղաքացիական ավիացիայի կազմակերպության (ICAO), Եվրոպական քաղաքացիական ավիացիայի կոնֆերանս կազմակերպության (ECAC) ստանդարտների և Հայաստանի Հանրապետության օրենսդրության պահանջների վրա։
Համակարգի նպատակն է ապահովել Ընկերության գործունեության անընդհատությունն ու պաշտպանվածությունը՝ արդյունավետ կառավարելով ավիացիոն անվտանգության և կիբերանվտանգության ռիսկերը, պաշտպանելով ընկերության անձնակազմը, ենթակառուցվածքները, կապի, նավիգացիայի և դիտարկման (ԿՆԴ) համակարգերը, ինչպես նաև աջակցելով Հայաստանի Հանրապետության օդային երթևեկության անվտանգ և անխափան կազմակերպմանը։
Ավիացիոն անվտանգության արդյունավետ ապահովման նպատակով ընկերությունը համագործակցում է ոլորտի լիազոր պետական մարմինների և գործընկեր կազմակերպությունների հետ՝ կիրառելով ժամանակակից մոտեցումները և միջազգային լավագույն փորձը։
Ի.Գասպարյան 33, Երևան 0042, ՀՀ
+(37410) 29-29-29
staff@armats.am